Festa della Mamma

Matri


Matri, cchiù ti vardu e cchiù ti vidu bedda
la facci to fa luci comu la cchiù ranni stidda
l’animu to gentili lu pusu sempri forti
lu tempu ccu ttia vinciri non potti

Quannu nascì lu partu fu duluri
mi dasti a vita, mi dasti tantu amuri
lu sciatu to mmiscasti a lu mo sciatu
quannu affamatu stava a to minna allippatu

E siddu ‘ngnornu la tussi mi pigghiava
o mi vineva na liniedda di frevi
ppi ttia tuttu u munnu si firmava
e a lu to cori strittu mi tinevi

Picchì tu chissu lu sapevi già
ca ppi guariri ‘nfigghiu non c’è megghiu dutturi
di na matri ca prijannu ppi li so criaturi
ci duna a megghiu medicina, lu so amuri

Ora si ranni, ti facisti vecchia
non sarti cchiù comu quann’eri nica
ma jù lu sacciu ca si ti chiamassi
lassassi tutti cosi e a mia currissi.

maggio 2006
settineri

dedicata a tutte le mamme del mondo.